【高級和牛壽喜燒-厚福和牛屋】聖誕套餐

聖誕四人套餐是用一個很大的保溫箱裝住，裏面有一盒是A5北海道黑毛和牛，另一盒是A5威士忌黑毛和牛，和牛包裝好似蛋卷非常精美，佢哋的和牛都有日本證書認證，保證係日本進口。

北海道和牛的油花好均勻，唔講真係唔知，其實日本頂尖的黑毛和牛，好似但馬 、神戶 、松板等和牛都是在北海道出世，只不過在十個月大左右就會送去有品牌產地進行育肥，所以北海道成為有品牌和牛嘅故鄉。除此之外，北海道本地的和牛亦都是日本頂尖的。

另一盒「岩手牛」A5威士忌黑毛和牛，油脂分布更加靚，雪花非常均勻，點解被譽為威士忌和牛呢？其實岩手牛平時食的飼料，加咗威士忌粕，令到岩手牛嘅油脂，帶有濃郁香味。

套餐亦會跟野菜盛盒，包裝得好精美，入面有京蔥、皇帝苗、大白菜、冬菇、日式燒豆腐、芝士竹輪、蒟蒻結等等，仲有最重要的日式燒汁及無菌蛋，另外還有兩包烏冬。唔單止佢哋嘅和牛係頂級，連配菜都好新鮮好高質。

大家有興趣都可以喺聖誕節試吓高級嘅壽喜燒外賣。如果訂購滿$1000會免費送貨，自取仲可以享有九五折。